Datganiad hygyrchedd ar gyfer 'Gwneud cais am Fathodyn Glas'

Mae'r wefan hon yn cael ei rhedeg gan yr Adran Drafnidiaeth. Rydym am i gynifer o bobl â phosibl allu defnyddio'r wefan hon. Er enghraifft, mae hyn yn golygu y dylech fod yn gallu:

• chwyddo i mewn hyd at 300% heb i'r testun fynd oddi ar y sgrin.
• llywio'r rhan fwyaf o'r wefan gan ddefnyddio bysellfwrdd yn unig.
• llywio'r rhan fwyaf o'r wefan gan ddefnyddio meddalwedd adnabod lleferydd.
• gwrando ar y rhan fwyaf o'r wefan gan ddefnyddio darllenydd sgrin (gan gynnwys y fersiynau diweddaraf o JAWS, NVDA a VoiceOver).

Rydym hefyd wedi gwneud testun y wefan mor syml â phosibl i'w ddeall.

Mae gan AbilityNet gyngor ar wneud eich dyfais yn haws i'w defnyddio os oes gennych anabledd.

Rhoi gwybod am broblemau hygyrchedd gyda'r wefan hon

Rydym bob amser yn ceisio gwella hygyrchedd y wefan hon. Os byddwch yn canfod unrhyw broblemau nad ydynt wedi'u rhestru ar y dudalen hon neu'n credu nad ydym yn bodloni gofynion hygyrchedd, rhowch wybod i ni gan ddefnyddio ein ffurlfen adborth (agor mewn tab newydd).

Gweithdrefn orfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd'). Os nad ydych yn hapus gyda'r ffordd yr ydym yn ymateb i'ch cwyn, cysylltwch â'r Gwasanaeth Cyngori a Chymorth Cydraddoldeb (EASS) (custhelp.com).

Cysylltu â ni dros y ffôn neu ymweld â ni'n bersonol

Mae awdurdodau lleol sy'n gweinyddu'r cynllun Bathodyn Glas yn darparu proses ymgeisio ddigidol â chymorth. Darganfod sut i gysylltu â'ch awdurdod lleol.

Gwybodaeth dechnegol am hygyrchedd y wefan hon

Mae'r Adran Drafnidiaeth wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018.

Problemau sy'n hysbys

Fe wyddom y gallai defnyddwyr gael trafferth gyda rhai rhannau o'r gwasanaeth hwn:

• Amseru y gwasanaeth: daw y sesiynau i ben yn awtomatig os nad yw'r gwasanaeth wedi'i ddefnyddio am 2 awr. Rydym yn gwneud hyn i ddiogelu data ein defnyddwyr. Nid ydym ar hyn o bryd yn caniatáu i'r amser gael ei ddiffodd, ei addasu na'i ymestyn.
• Negeseuon gwall ar gyfer dyddiadau: wrth i ddefnyddwyr ateb cwestiynau dywedir wrthynt am wallau lle mae'r ateb ar goll neu'n annilys. O ran cwestiynau lle disgwylir dyddiadau, ar hyn o bryd nid ydym yn rhoi digon o fanylion am y gwall.

Ar hyn o bryd rydym yn gweithio ar y problemau hyn ac yn anelu at ryddhau diweddariad i'w trwsio erbyn diwedd 2024.

Mae'r wefan hon yn cydymffurfio'n rhannol â safon Canllawiau Hygyrchedd Cynnwys y We (WCAG) fersiwn 2.2 AA.

Sut rydym wedi profi'r wefan hon

Caiff y wefan hon ei phrofi wrth gael ei datblygu gan y tîm sy'n ei chynnal, ac o bryd i'w gilydd gan gyrff allanol. Ar adeg ei chyhoeddi, cafodd ei phrofi ddiwethaf yn fewnol ym mis Awst 2023 ac yn allanol ar 25 Medi 2023 gan Digital Accessibility Centre Limited.

Profwyd y gwasanaeth yn seiliedig ar allu'r defnyddiwr i gwblhau teithiau allweddol. Profwyd pob rhan o'r teithiau a ddewiswyd, gan gynnwys dogfennau. Dewiswyd teithiau ar nifer o ffactorau gan gynnwys ystadegau defnydd, asesiadau risg a deunydd pwnc.

Paratowyd y datganiad hwn ar 1 Awst 2019. Diweddarwyd ddiwethaf 20 Mehefin 2024.